Danmörk

Nú eru bara 2 dagar í að ég verði sett af stað. Mér finnst þetta frekar óraunverulegt, sérstaklega tilhugsunin um að um næstu helgi verum við með lítið stelpuskott hér ;) Anja er orðin alveg svakalega spennt - en auðvitað líka vegna þess að á morgun fær hún að fara til Dagnýjar Evu vinkonu sinnar að gista... Það er auðvitað alveg toppurin!

Ég er annars búin að vera í tiltektarstuði hér, það lýsir sér í að ég tek mig til og klára hin ýmsu prjónaverkefni sem ég hef sett í salt einhverra hluta vegna og ég var að klára þennan kjól á Önju. Hann er prjónaður og þæfður svo... Fyrirsætan stillti sér auðvitað upp til að sýna hvað hann væri flottur ;)

From 2008-11-22

From 2008-11-22

From 2008-11-22

Jæja, ég býst ekki við að skrifa meir hér í bili fyrr en ég kem heim af fæðingardeildinni..hér er síðasta bumbumyndin sem verður tekin af mér... var tekin áðan, þá er ég komin nákvæmlega 38 vikur ;)

From 2008-11-22

og svona að lokum mynd af sætustu á leið í afmæli ;)

From 2008-11-22

bless í bili ;)

Já þá er bara vika eftir í að ég verði sett af stað!! Ji hvað þetta er ótrúelga fljótt að líða... Mér finnst eiginlega eins og ég sé ekki búin að vera neitt ólétt...LOL en síðustu daga finnst mér ég nú ekkert nema kúlan! Hún er líka frekar aum og ekki gott að reka hana utaní!

Það er annars allt gott að frétta hér...Gunni stendur sig eins og hetja í að læra dönsku ;) Fer nánast daglega í búð og kjaftar á honum hver tuska við afgreiðslufólkið LOLOL Bara gott mál!

Set inn meiri fréttir síðar...nenni nú ekki mikið að sitja í tölvunni,enda lítið pláss fyrir mig við hana ;)

Jæja við hjónin fórum til Odense í dag í eftirlit. Ég fór í vaxtasónar þar sem kom í ljós að daman er orðin 3300gr og allt leit bara mjög vel út ;) Það var tekin ákvörðun um að setja mig af stað þann 1. des og er það bara gott. Að vísu mundi ég alveg vilja að það yrði eitthvað fyrr sem skottan kæmi, ég er orðin ansi slæm af bjúg... var eitthvað að kvarta yfir því við læknana sem ég hitti í dag......en þeir bentu mér vinsamlega á að ég væri nú ekki 25 lengur!!!! ahahahhahahaha Ég veit sko ekki hvað þetta fólk er að meina!!!!! Mér líður sko alveg 25!!! Enda á ég 42 ára mömmu þannig að ég get nú ekki verið mjög gömul! hehehe

Það er sem sagt annars bara allt fínt að frétta héðan...Gunni kom 10. nóv... eftir laaant ferðalag með millilendingu í Berlín...sko það er víst í leiðinni til Kbh!!! En mikið er nú gott að vera búin að heimta hann! Ég keypti bara miða aðra leiðina fyrir hann, og krossa svo fingur um að bæði flugfélögin á Íslandi verð farin á hausin þannig að hann gerist bara dani á meðan við erum hér !! hehehe

Ég er enn í skólanum, mæti þó ekki í tíma heldur tek þátt í þeim verkefnum sem við þurfum að skila og nú í morgun skiluðum við næstsíðasta verkefni annarinnar. Það var tölvuleikur sem við áttum að gera í flash... Það gekk nú svona lala að gera hann, við vorum búin að plana mun stærri leik en við skiluðum, en okkur gekk illa að setja þetta inn í forritin og fá þetta til að fúnkera allt saman þannig að við skiluðum bara mjög litlum leik!! LOL en hvað um það, aðalatriðið í þessu verkefni var að gera sitt besta og hafa gaman af því..sem við sannarlega gerðum!! Síðan tekur bara lokaverkefnið við, sem við fáum upplýsingar um 5. desember og svo eigum við að skila því í byrjun janúar og þá er önnin búin......eða því næst.......bara eftir kynning sem er nokkurskonar munnlegt próf í lok janúar ;) Ég er bara bjartsýn á að mér nái að takast að ljúka önninni þrátt fyrir allt, enda í hóp með góðu fólki ;)

Læt þetta nægja í bili ;) endilega kvittið nú fyrir komuna ef þið hafið komist svo langt að lesa hingað niður LOLOLOL

Jæja þá eru 35 vikur liðnar af þessari meðgöngu og bara 3 vikur eftir ef það stenst að ég verði sett af stað í 38. viku. Ég vil nú samt helst fara sjálf af stað og hef nú þegar gert ráðstafanir til þess, er að flytja út Gunna sem kemur á mánudag...ef flugfélagið verður ekki farið á hausin áður ;) Ég er ekkert viss um að hleypa honum á klakkann aftur, ég keypti bara miða aðra leiðina fyrir hann. Mér finnst sko að hann geti alveg lært að veiða á dönsku!!

Það er annars frekar rólegt hér. Ég stækka, og Andri og Anja líka ;) Þau bíða auðvitað líka spennt eftir því að pabbi komi loksins til okkar, enda var hann hér síðast í ágúst byrjun!!

Læt hér eina mynd fylgja af bumbunni, hún var tekin áðan í tilefni af 35 vikunum ;)

From 2008-11-08

Þar kom að því að ég á afmæli í dag! Ég mundi að vísu ekki eftir því fyrr en ég fór á feisið og sá fullt af kveðjum LOL ætli það mætti ekki flokka það undir nokkurskonar afneitun!! LOL Ég vorkenni mömmu þó alltaf svo á þessum degi...minnir mig alltaf á hvað hún er ferlega gömul orðin! LOLOLOLOL

Þetta var annars rólegur dagur, ég var bara heima þar sem ég var mjög eftir mig eftir ferðalagið til Odense í gær... sem bæ ðe vei gekk bara vel! og tók því bara rólega. Ungarnir mínir bökuðu dýrindis köku handa mér í tilefni dagsins...Anja var að vísu ekki alveg sátt við að ég skyldi ekki bjóða Dagnýju Evu vinkonu sinni í afmælið en ég benti henni á að í mínu afmæli væru bara 2 gestir, hún og Andri LOL. Henni fannst þetta frekar lélegt!! Hún æltar samt að kaupa pakka handa mér seinna þegar hún kemmst í dótabúðina segir hún LOLOL

Hér er mynd af kökunni góðu, en hún er algerlega skreytt af Önju, sem fannst óþarfi að spandera fleiri kertum á hana!! LOL Þar sem ég borða helst ekki krem þá var skilið eftir rönd fyrir mig sérstaklega ;)

From 2008-10-30

Að öðru...ég fór sem sagt til Odense í gær í eftirlit sem kom bara vel út og ég þarf ekki að koma aftur fyrr en eftir 3 vikur. Ég sat líka fyrirlestur um fæðingar og börn sykursjúkra sem var ágætt líka...en það kom samt ekkert mikið fram sem ég vissi ekki.
Aftur á móti komst ég að því að ef ég fer sjálf af stað þá þarf ég sjálf að koma mér uppeftir...mér líst ekki alveg nógu vel á það...ég meina ætli það mundi virka að hringja í þá og segja þeim að það sé sprungið á hjólinu mínu og hvort þeir geti mögulega sent sjúkrabíl eftir mér? ahahahaha sé þá í anda fá þessa fyrirspurn!!

Ég er samt búin að ákveða að ég ætla ekkert að stressa mig á þessu, ef ég fer af stað, þá ætla ég bara að fara á fæðingardeildina hér og láta þá sjá um að koma mér til Odense ef þeir telja það algerlega nauðsynlegt...mér finnst sjálfri þetta óþarfa vesen, ég er alveg viss um að það hafa fæðst fullt af heilbrigðum börnum út um allt án þess að hafa fæðst á einhverju háskólasjúkrahúsi sem sérhæfir sig í mótttöku á börnum sykursjúkra...ég hef engar áhyggjur af þessu, en auðvitað á ég uppfrá ef ég verð sett af stað eins og planið lítur út núna ;)

Það er ótrúlegt en satt að október er alveg að verða búin! Þetta þýðir að stelpuskottið mitt er væntanlegt eftir rétt rúman mánuð ef það stenst að ég verði sett af stað í kring um 1. des ;)

Ég kíkti "aðeins" í H&M í dag í Storcenter, sá þar konu með 1 alveg nýfætt og einhvern veginn get ég ekki alveg sett mig í þetta hlutverk enþá! LOLOL en þetta kemur allt ;)

Við erum annars ekki búin að vera að gera neitt mikið merkilegt hér á bæ... Það er búið að vera vetrarfrí í skólanum, reyndar var ég í viku lengur en Andri vegna þess að bekkurinn minn var í skólaferðalagi í San Francisco og við sem fórum ekki vorum í fríi á meðan.

Ég er búin að vera mjög upptekin af því að prjóna teppi, ætlaði svo að þæfa það í þvottavél í dag en það fór nú eitthvað öðruvísi en það átti að gera LOL Það þæfðist nánast ekkert þannig að ég hamaðist á því bara í höndunum og skellti því svo aftur í vélina á 60°hita og þá fór eitthvað að gerast......ég ætla samt að þæfa það meira í höndunum og svo aftur í vélinni því ég vil að það verði þétt og hlýtt ;) Skelli inn mynd við tækifæri þegar það er tilbúið ;)

Talandi um myndir, þá skilst mér á fólki að ég sé ekki dugleg að setja inn bumbumyndir!!! en það er auðvtiað vegna þess að ég er búin að vera bumba í svo rosalega mörg ár á þess að hafa beinlínis verið spennt fyrir því og því er ég ekkert mikið að taka myndir af bumbunni minni!! LOL en Andri tók samt eina í dag fyrir hana Rós, bara svo hún sjái að bumban mín stækkar eiginlega ekkert LOLOL eða kanski smá!
Komin 32 vikur

From Október 08

Ef þið smellið á myndina þá komist þið í myndaalbúmið mitt og getið skoðað fleiri myndir teknar núna í október ;)

Bið að heilsa!!

Já það er orðið langt síðan ég bloggaði...hef eiginlega ekki haft neitt að blogga um, held ég ;)

Ég fór aftur til Odense í gær í eftirlit og fékk þau fyrirmæli um að nú ætti ég að sprauta mig fyrir hverja aðalmáltíð. Mér líst nú ekkert á það.....er búin að sprauta mig 2x og sykurinn hækkar bara upp úr öllu valdi!! Ætla að hringja þangað á morgun ef þetta heldur svona áfram. Ég fór líka í sónar og skottan mín dafnar vel, stækkar eðlilega, legvatn eðlilegt, allt eðlilegt! Veit ekki hvað þetta fólk er eiginlega að kvarta!! Ég hef ekkert þyngst alla meðgönguna, þrátt fyrir að vera komin 7 mánuði á leið, léttist um 5 kg einhvern tíman í byrjun og það eru bara tæp 3 kg komin aftur af þeim ;) Ég er bara ánægð með það...nú og ljósan mín líka, þar sem allt lítur eðlilega út ;) Já og svo var mér sagt að væntanlegur fæðingardagur yrði líklega 1. desember en ekki 13. des. Ég verð sem sagt sett af stað þá skilst mér...annars finnst mér 8. des hljóma svolítið kúl...ég meina 08.12'08 það er svolítið töff tala!! ;)

Annars er svosem ekki mikið að frétta, nema mér skilst að það sé kreppa...ég reyni nú lítið að pæla í henni, finnst það ekki nauðsynlegt að sökkva sér í þunglyndi út af peningum...já ég á náttúrulega enga peninga til að tapa ;)

Hún Anna Leif vinkona mín kemur á morgun í heimsókn, mikið hlakka ég til!!
bless í bili, og takk fyrir kvittin!! Það er svo gaman og gott að fá kveðjur!