Já það er orðið langt síðan ég bloggaði...hef eiginlega ekki haft neitt að blogga um, held ég ;)
Ég fór aftur til Odense í gær í eftirlit og fékk þau fyrirmæli um að nú ætti ég að sprauta mig fyrir hverja aðalmáltíð. Mér líst nú ekkert á það.....er búin að sprauta mig 2x og sykurinn hækkar bara upp úr öllu valdi!! Ætla að hringja þangað á morgun ef þetta heldur svona áfram. Ég fór líka í sónar og skottan mín dafnar vel, stækkar eðlilega, legvatn eðlilegt, allt eðlilegt! Veit ekki hvað þetta fólk er eiginlega að kvarta!! Ég hef ekkert þyngst alla meðgönguna, þrátt fyrir að vera komin 7 mánuði á leið, léttist um 5 kg einhvern tíman í byrjun og það eru bara tæp 3 kg komin aftur af þeim ;) Ég er bara ánægð með það...nú og ljósan mín líka, þar sem allt lítur eðlilega út ;) Já og svo var mér sagt að væntanlegur fæðingardagur yrði líklega 1. desember en ekki 13. des. Ég verð sem sagt sett af stað þá skilst mér...annars finnst mér 8. des hljóma svolítið kúl...ég meina 08.12'08 það er svolítið töff tala!! ;)
Annars er svosem ekki mikið að frétta, nema mér skilst að það sé kreppa...ég reyni nú lítið að pæla í henni, finnst það ekki nauðsynlegt að sökkva sér í þunglyndi út af peningum...já ég á náttúrulega enga peninga til að tapa ;)
Hún Anna Leif vinkona mín kemur á morgun í heimsókn, mikið hlakka ég til!!
bless í bili, og takk fyrir kvittin!! Það er svo gaman og gott að fá kveðjur!
Kv,
Dísa
Farðu vel með þig, passaðu stelpuskottin okkar. Var að koma úr Kjósinni, allt rosalega þungt hérna á klakanum.
Allir biða að heilsa, Stella, Dúa,og Beggi, Gunna og Svenni......
Gleymdi að kvitta, er orðin eins og forsætisráðherra, mann ekki nema þriðja hvert orð og segir ekkert í hverri ræðunni af annarri.
Kveðjur til Andra og Önju.....
Bender
Vona að allt gangi vel hjá ykkur bumbusnúllu og auðvitað hinum krúttunum líka. Er loksins flutt á skagann og komin í samband við veraldarvefinn;) Heyrir í þér fljótlega, væri samt til í að fara að sjá þig.
Knús Rós
komin heim aftur eftir Evrópuför... takk fyrir mig, gönguferð, prjónaskap, kastaníur og eplapönnukökur:) Anja við getum sko bakað pönnukökur aftur seinna, er það ekki?
Vertu bara velkomin hvenær sem er!!
Knús við "danir"