Já nú er enn eitt verkefnið á enda hjá mér! Í dag vorum við að skila verkefni sem við áttum að gera fyrir Hárgreiðsluskóla í Odense. Þetta var ansi viðfangsmikið verkefni þannig lagað...við áttum að búa til nýja heimasíðu fyrir skólann sem virkaði alveg frá a - ö.. Ég var í hóp með Hafdísi, Brian og Henriettu og völdum við að fara þá leið að þessu að hver og einn ynni með forrit sem hann væri ekki vanur þannig að við fengjum nú eitthvað út úr þessu.
Við vorum bara mjög sátt við útkomuna og við lærðum alveg helling af þessu!! Þar sem ég var á Íslandi helminginn af projectinu þá ákváðum við að ég kæmi bara inn þar sem þörf væri á og það varð úr að ég vann með Hafdísi að hönnun síðunnar í Dreamweaver. Hvorug okkar hafði opnað þetta forrit áður þannig að þetta var oft á tíðum ansi mikið - kanski óþarflega mikið ströggl hjá okkur sem við hefðum ekki verið í ef við hefðum kunnað eitthvað á forritið, en við lærðum þvílíkt á þessu að það er bara á við margar kennslustundir!!!
Síðan var kynningin í dag. Við byrjuðum og gekk þetta bara vel hjá okkur, amk fengum við mjög góð komment bæði á kynninguna og verkefnið í heild sinni. Að vísu vorum við frekar óhress með suma samnemendur okkar sem sáu sér ekki fært um að þegja heldur flissuðu og kjöftuðu á meðan á kynningunum stóð. Það var einn hópur sem var svoleiðis að það var áberandi og pirrandi hvað þau voru blaðrandi og flissandi eins og smá krakkar á meðan á öllum kynningunum stóð! Þetta var mjög slæmt þegar maður var að reyna að hlusta á hvað þau sem voru að kynna voru að segja, en studum heyrðist það alls ekki þar sem fíflagangurinn var svo mikill. Reyndar kom einn meðlima í "flisshópnum" til okkar síðar og bað afsökunnar á þessu. Hún hafði stöðugt verið að sussa á eina í hópnum en án árangurs. Hópurinn okkar var ekki sá eini sem var undrandi á þessum dónaskap.
Annars gengu kynningarnar mjög vel fyrir sig og gaman að sjá hvað fólk var með ólík verkefni. Flest allir kynntu verkefnin sín með mikilli prýði, töluðu án þess að lesa upp af blaði og voru flottir á því! Það er virkilega gaman að þessu, hellingur sem hægt er að læra af hinum og einnig mjög gott að fá feedback fyrir komandi verkefni.
Næsta verkefnið er síðan lokaverkefnið á önninni þar sem við eigum að gera svona portfolio um okkur....kynna hvað við erum búin að gera í vetur og ef til vill það sem við höfum gert áður en við komum í skólann. Ég er núþegar komin með hugmynd í kollinn, get ekki beðið með að byrja en ætla að lesa mér aðeins betur til um forrit sem koma til greina í vinnuna við þetta áður en ég byrja....enda liggur ekkert á, það eru 2 vikur í að við eigum að byrja!!
Já við erum komin heim aftur eftir mjög velheppnaða en erfiða ferð til Íslands. Ferminginn gekk mjög vel, Andri sagði já á réttum stað, þuldi upp trúarjátningu og eitthvað fleira og fór í gegn um þetta með stæl, enda ekki annað hægt eftir alla kirkjuferðirnar hér í Danmörku! Hann var síðan alveg ofsalega ánægður með daginn, enda ekki annað hægt! Hann fékk auðvitað mikið af gjöfum, mest þó peninga sem er bara gott, þar sem auðvelt er að flytja þá á milli landa ;)
Veitingarnar voru síðan alger klassi! Heimabakstur á la mamma og "mamma" Didda! Rosafínar snittur frá Gunnu "móðusystur", tortilla vefjur frá Sóma og síðan en ekki síst geggjuð fermingarterta frá Sandholtsbakarí. Mæli sko með þeim, ég hef ekki séð fallegri köku! Því miður er ég ekki komin með neinar myndir enþá þar sem myndasmiðurinn er upptekin við að photoshoppa þær...æ ég vildi losna við nokkur kíló sko! LOL
Við vorum svo í góðu yfirlæti á Akranesi sem var bara geggjað. Fengum lánaða íbúð hjá henni Önnu Leif, vinkonu minni og drykkjufélaga úr Brekkó. Anja fékk svo að fara í heimsókn á Garðasel alla vikuna frá 10 - 13 og það þótti henni sko ekki leiðinlegt! Það var bara eins og hún hefði aldrei farið neitt! Þetta er bara æðislegur leikskóli og við söknum þess mjög mikið að hafa ekki getað flutt hann með okkur!
Við mæðgur skelltum okkur auðvitað í heimsókn til Ölmu vinkonu og Kristins á Fljótshóla og við vorum ekki búin að vera lengi þegar Anja byrjaði að suða um að fá að fara á hestbak... Hún var rosa glöð þegar Alma bauð henni bara að velja sér reiðskjóta í hesthúsinu til að fara á og hún valdi strax fallega gráa meri sem heitir Ísabella! Vel við hæfi það og daman var eins og prinsessa á hryssunni sem var algveg saman þó þetta tryppi sæti á henni. Það var svo kalt og mikið rok að við morum bara inni á ganginum með dömurnar. Á eftir fékk Anja að hjálpa til við að gefa og fylgjast með þegar folöldin og tryppin voru rekin inn. Hún var svooo bóndaleg þar sem hún leiddi Kristinn niður í vélaskemmu. Hvaðan ætli hún hafi þetta?
Eftir að hafa notið okkar á Skaganum, drukkið með rauðvínsklúbbnum og heimsótt Brekkó fórum við norður til Mömmu og Þráins. Þar biðu okkar bara veislumáltíðar, eins og mömmu einni er lagið!! Það var lambahryggur, saltkjöt og baunir, gúllas, grjónagrautur og saltfiskréttur. Algert æði! Þetta var sem betur fer ekki allt sama daginn en vá hvað maður var saddur!
Ég eyddi síðan laugardeginum í að skrappa með Stínu í Miðhópi og Sirrý vinkonu. Ja ég skrappaði nú eiginlega ekkert, var meira að koma stelpunum af stað í þessu þar sem þær ætla að gera albúm fyrir synina sína. Þær eru auðvitað algerir snillar þegar kemur að föndri þannig að útkoman hjá þeim var mjöööög flott! Þetta eru bara fyrstu og einu síðurnar sem ég hef séð sem er ekki neinn byrjendabragur á!
Allavega......við fórum á páskadagskvöld út á Sólbakka til Sirrýar og Skúla og spiluðum fram á rauða nótt....eftir að búið var að svæfa karlana fengum við Sirrý okkur bjór og töluðum til 6!!! Ekki skrýtið þar sem ég get ekki sagt að við höfum heyrst síðan ég flutti út! Það var bara gaman. Daginn eftir bauð Skúli upp á veislu að sínum hætti, saltað hrossakjöt sem var bara dýrðlegt! Hvað er hægt að hugsa sér betra? ég bara spyr?
Eftur páskahátiðina skelltum við okkur til Reykjavíkur þar sem við vorum búin að ákveða að eyða síðustu 2 dögunum bara í rólegheitum á hóteli. Það var mjög ljúft. Við vorum á Grand Hótel sem er rosalega notalegt og flott. Ég skellti mér svo á kaffihús með nokkrum skrappþotum, þeim Barböru, Eyrúnu og Möggu. Mikið rosalega var nú gaman að hitta þær og sveimér ef þær hafi ekki kitlað skrappgírinn aðeins!! Að minnsta kosti gat ég verslað mér pínulítið skrapp áður en ég kom heim!
Við komum síðan heim á fimmtudag og erum eiginelga ekki lent þar sem það er búið að vera svo mikið að gera í verkefna vinnu í skólanum síðan ég kom! Að vísu gáfum við Hafdís okkur tíma til að fá okkur smá hvítvínsdreytil... því ég hafði dröslað flösku með mér að heiman til að gefa henni að smakka, þar sem hún er ekki fyrir hvítvín! En það var ein og ég vissi, henni þótti það gott enda ekki hægt annað þar sem þetta er "ðe hvítvín" að mínu mati! (það þarf þó að vísu ekki að endurspegla mat þjóðarinnar LOL)
Já ælti þetta sé ekki að verða gott í þessari ritgerð...heimsóknin tókst sem sagt vel, ég hefði að vísu alveg viljað hitta fleiri, til dæmis fara til Lindu og heilsa upp á hana Guggu, en svona er það, það var eiginlega hver mínúta fullnýtt!!
Bless í bili..... ;)
Já við erum á Íslandi núna...og frumburðurinn orðinn fermdur og allt! Það gekk rosalega vel, athöfnin var bara mjög falleg og mun skemmtilegri en hjá blessuðum karlinum honum Ingiberg í Saurbæ...(hmhm)
Síðan var brunað til Reykjavíkur til að halda veislu sem var bara virkilega flott! Mamma hafði staðið í ströngu við að undibúa þetta allt, panta það sem panta þurfti og baka.......Didda bakaði líka þessar fínu lagtertur, það var líka heimabakað flatbrauð og síðan var fermingartertan frá Sandholtsbakaríi. Hún var eins og allt annað, geggjað góð og bara ein sú allra flottasta sem ég hef nokkrusinni séð! Enda er þetta margfaldur meistari í köku og kökuskreytingum er mér sagt.
Ég fékk síðan hjálp við skreytingarnar frá Sirrý og Rós og þetta var bara ofsalega flott hjá þeim!!
Andri var bara ofsalega hamingjusamur með daginn og það var virkilega gaman að hitta alla! Verst að maður hafði ekki nógan tíma til að tala við alla gestina!
Allavega......við erum netlaus (sit á bókasafninu) en það breytist þegar við komum til mömmu á föstudag eða laugardag. Þá get ég sett inn myndir og svoleiðs.
Þangað til...mojn mojn!!
Já fyrsta stóra verkefninu lauk í dag með sýningu. Við áttum að búa til heimasíðu fyrir Trapholt, nýlistasafið í Kolding (eins og ég var búin að segja áður) og við sýndum afraksturinn í dag.
Síðurnar voru alveg rosalega ólíkar allar! Sumar algerlega geggjaðar en aðrar ekki eins flottar...en það er auðvitað misjafn smekkur manna ;)
Mér fannst síðan okkar ekkert sérstök, of svört og mínimalísk eitthvað...enda algerlega hönnuð af Raziu, en hún var ekkert ljótust og við fengum bara hrós fyrir hana. Síðan gerði ég svona cover utan um geisladisk og lítinn bækling um verkefnið sem vakti athyggli, enda skrappað ;) Svona kemur fyrri reynsla/áhugamál oft að gagni!! Ég var bara rosalega ánægð með það, en gleymdi því miður að taka myndir, en ég á eftir að gera fleiri fyrir Raz og Henríettu þannig að ég tek myndir þá ;)
Ég ætla að slaka á á morgun, nenni ekki í buisness tíma enda kennarinn ótrúlega leiðinlegur! Gunni kemur svo á morgun, vonandi ekki mjög seint þannig að ég ætla bara að vera heima og slaka á ;)
Já ég er búin að kaupa miða heim! Ji hvað það er eitthvað skrýtið! Nú erum við búin að vera hér í rúma 7 mánuði og ef maður pælir í því þá er í raun ekki svo langur tími eftir af þessum 2mur árum sem ég ætlaði að vera!
En þá er það planið.......mig langar auðvitað að hitta alla...en það er kanski ekki alltaf hægt en þið í Kínahóp..........eruð þið á lausu í Graut einhverstaðar frá 14 - 20. mars? að vísu er 16 upptekin ;) Svo er það rauðvísnskúbburinn...sem kanski er búin að henda mér út..þar sem ég er hvorki á landinu...né að vinna í Brekkó...en mig virkilega langar að hitta ykkur!!......og þá eru það Þoturnar..eða þær sem eru eftir af þeim.......eruð þið á lausu þessa viku? Úff þetta er frekar erfitt þar sem ég er frekar spontanp manneskja!!!
Já það má segja að á þessum bæ sé mikið að gera! Á föstudaginn vorum við með kynningu á fyrsta hópverkefninu sem fjallaði um klúbba í Sonderborg og völdum við að kynna kafaraklúbbinn hér. Við tókum viðtal við Leif hennar Hafdísar og síðan kennara í klúbbnum, bjuggum til heimasíðuskissu...semsagt hvernig við mundum vilja gera síðu fyrir klúbbinn, skrifuðum ritgerð og vorum með powerpoint kynningu. Það er skemmst frá því að segja að við slóum í gegn, fengum 5 stig af 6 mögulegum!! Já við rokkum hér !!
Núna erum í Project viku sem þýðir það að við erum ekki í neinum tímum, bara í verkefnavinnu í hópum. Ég er í hóp með henni Henríettu, stelpu sem býr hér skammt frá og var með mér í síðasta verkefni og Raziu stelpu frá Kenýa... Við eigum að búa til heimasíðu fyrir Trapholt, nýlistasafn sem er í Kolding. Þetta er búið að vera frekar erfitt.....Razia blessunin rúllar yfir okkur Henríettu og er eiginlega búin að gera allt. Það sem hún hefur ekki gert sjálf hefur hún ákveðið hvernig á að gera og tékkar á því hvort við séum ekki alveg örugglega að gera eins og hún vill!!!
Úff, ég dreg bara djúpt andann og hugsa það eitt að lifa verkefnið af! Þetta gæti verið verri hópur, til dæmis gæti ég verið með henni Katju frá Finnlandi sem mætir ekki, Uyi frá Nígeriu sem talar svo hörmulega ensku að það er engin leið að skilja hann eða honum Robert frá Eistlandi sem er alvarlega sækó og vinnur ekki í hóp nema fá borgað fyrir það!!
já eigum við ekki bara að segja að ég sé í frábærum hópi!! bara verst að heimasíðan okkar er eiginlega ljót!.....æ næsta verkefni verður bara flottara...maður getur víst ekki alltaf verið hæstur LOLOLOL
Jæja saumó er að byrja hjá mér....bæjó!
Já ég er á fullu í skólanum. Það er alveg ótrúlega gaman, nema í Buisness tímum.....ég meina af hverju að læra það??? Ég veit ekki betur en viðskiptafræðingar sjái um þann hlut!!!!
En allavega...Ég var að klára annað skilaverkefnið mitt fyrir design tímann...auglýsingu fyrir Danska Heilbrigðisráðuneytið og ég er bara mjög sátt við útkomuna.
Við fengum sem sagt það verkefni að hanna auglýsingu með þessu slagorði "An apple a day keeps the doctor away" fyrri danska heilbriðgiðseftirlitið og þetta er mín útfærsal. Við máttum bara nota svartan, hvítan, rauðan og bláan lit og urðum að taka tillit til ýmissa hönnunarþátta eins og andstæðna og svoleiðis. Síðan varð myndin að lýsa einhverri sögu.
Við Hafdís ákváðum að vinna þetta saman..en okkar útfærslur eru samt alveg rosalega ólíkar. Ég ætlaði að hafa svona lækni á mínu plakati, sem væri að ganga út...vegna þess að hann hefði ekkert að gera...en ég fann enga mynd sem hæfði því og Hafdís benti mér á þessa hugmynd...af gamla manninum sem er búin að lifa svo mörg ár hraustur vegna þess að hann hefði borðað svo mörg epli...Mér finnst það bara brill hugmynd!! (takk Hafdís!) og þannig er sem sagt plakatið mitt ;)
Það er mjög gaman að sjá hvað aðrir eru búinir að gera, við erum öll með svoooo ólíkt, þrátt fyrir að vera að vinna út frá sömu hugmynd!
Það er bara gaman að þessu ;)
Annars hitti ég hann Martin í kvöld, hann er í gamla bekknum mínum...og hann langaði svoo í þennan skóla sem ég er í núna. Ég benti honum á að það væri laust í bílnum hjá okkur ef hann langaði að skipta í haust...en hann er algerlega að klepra á þessu þarna niðurfrá......skil hann vel, enda óumræðanlega leiðinlegt að þurfa að sitja í tímum hjá Peter nasista á hverjum degi!!!
