Er það ekki vel við hæfi að óska gleðilegs árs svona þegar febrúar mánuður er hálfnaður ;) ég er þá alveg örugg með að það er komið nýtt ár! LOL nú og svo er kínversku áramótin ný liðin þannig að ég er í sjálfu sér ekkert rosalega sein...þannig lagað.
Það hefur verið mikið að gera á þessum bæ. Jólin komu og fóru. Mamma kom á milli hátíða og við notuðum tækifærið og létum skíra Hafrúnu Ása 28. desember. Það var bara notaleg stund, en hún var skírð í messu sem var á vegum íslendingafélagsins hér í Sönderborg og íslenski sendiráðspresturinn messaði.
Síðan komu áramótin og við fórum í mat til Sigrúnar og Reynis og fengum þar dýrindis veislu! Það var boðið upp á kalkún sem var alveg hreint frábær...nú og svo sló eftirrétturinn allt út...svona blaut súkkulaðikaka.....ummm ég fæ nú bara vatn í munninn við tilhugsunina!
Janúar gekk í garð með stressi og látum, við skiluðum annarverkefninu okkar þann 6. janúar og síðan kynntum við það og tókum próf 20. janúar. Það gekk bara vel. Ég náði sem betur fer, fékk 7!! en þegar ég kom út úr prófinu var ég sko alls ekki viss um að hafa náð þessu þar sem mér fannst mér ganga alveg hörmulega! Þetta slapp fyrir horn þó, mér til mikillar ánægju.
Skólinn byrjaði svo aftur 26. janúar...nema hjá mér því ég lá inni á spítala þann dag! Ég fékk eitthvert óútskýrðan krampa á laugardeginum áður þar sem ég var stödd ásamt vinkonum við landamærin á Þýskalandi...og þar sem það var svo miklu styttra á sjúkrahúsið í Flensburg þá var ég flutt þangað í snarhasti... Ég þakka nú bara mínum sæla fyrir að hafa kunnað þýsku! Ég hefði ekki viljað vera þarna án þess, því ég held að það hafi bara læknirinn í sjúkrabílnum talað ensku! Ég var í rannsóknum í 4 daga en það kom ekkert út úr þeim og á ég að fara áfram í eitthver próf hér í Danmörku á næstunni.
Gunni er hér enþá, orðinn meira danskur en hann var áður en hann kom ;) en hann fer heim 17. febrúar...vonandi bara til að finna það endanlega út að það er nákvæmlega ekkert sem er heillandi við að búa á Íslandi í dag - þannig að hann snýr fljótt aftur hingað heim! LOL Allavega keypti ég miða í dag fyrir hann fram og til baka ;)
Börnin eru í vetrarfríi í skólanum og leikskólanum, þeim til mikillar ánægju, en Anja er orðin ansi langeygð eftir því að verða skólastelpa og byrja í SFO. Það verður þó ekki fyrr en í maí sem hún skiptir yfir í skólagæsluna og hættir að vera leikskólastelpa. Hún verður vonandi í bekk með Malín vinkonu sinni og hugsanlega líka Anítu sem er líka vinkona hennar ;) Mér finnst það rosalega gott að hún geti verið í bekk með vinum, það hjálpar henni (og mér) að aðlagast breyttum aðstæðum.
Andri er í tölvunni...helst allan sólarhringinn ef hann mætti ráða! LOL en hann er þó áfram alveg ofsalega duglegur að hjálpa til við það sem þarf hér á heimilinu og er nú þegar búin að ná góðum tökum á að hugga litla skottið!
Hún Hafrún Ása stækkar og dafnar bara rosalega vel. Hún er orðn 60cm og 6 kg. stefnir í að verða alger michellin stelpa með þessu áframhaldi!! Hún veit sko alveg hvað hún vill, daman - og rífst og skammast við brjóstið ef hún fær mjólkina sína ekki eins hratt og hún vill! LOL Hún er þó alveg ofsalega vær og góð og dundar sér vel við að sitja og fylgjast með því sem er að gerast í kring um sig.
Ég er búin að setja inn eitthvað af nýjum myndum á myndasíðuna okkar, en tengillinn inn á hana er þarna efst....
bless í bili og endilega kvittið fyrir komuna....ef einhver hefur nennt að lesa alla leið!!
Já það er víst komin 22. desember og yngsti fjölskyldumeðlimurinn er 3gja vikna í dag! Ótrúlegt alveg hvað tíminn æðir áfram!
Hér er eiginlega ekkert jólalegt! Enginn snjór, hávaða rok, við erum ekki búin að fá okkur jólatré eða jólaskraut, en gerum það á morgun, vonandi...
Annars dafna allir bara vel ;) Anja er búin að opna allt súkkulaðidagatalið sitt í von um að jólin komi fyrr....Gunni er búin að fá jólabærkurnar í pósti.....Andri hangir í tölvunni og ég prjóna ;) Sem sagt allt í fína hér ;)
Gleðileg jól !!
Já það er ótrúlegt en á þessum degi fyrir 4 árum fengum við hana Önju okkar!! Ég man það eins og það hafi gerst í gær...það var alveg ótrúleg tilfinning að horfa á þessa grátandi mús í fanginu á starfsmanni barnaheimilisins, vitandi það að þessi stelpa væri sko okkar!!
Í tilefni dagsins tókum við upp dásamlegan lambahrygg...dýrðmæti sem er sko sparað til tyllidaga. Með honum var sko ekki síðra meðlæti, ora grænar baunir, rabbabarasulta á la Sirrý, rauðrófur og svo piparostasósa úr ekta íslenskum piparosti!! Ummmmm dásamlegt bara!!
Jæja, þá erum við komin heim, loksins!!
Eins og þið vissuð þá fórum við Gunni til Odense á sunnudaginn til að fara í gangsetningu á mánudagsmorgninum en þegar ég mætti á mánudaginn þá var ég komin með 4 í útvíkkun þannig að það var ákveðið bara að sprengja belginn. Það var svo gert kl 15.
Ég var búin að ákveða að þar sem ég mátti ekki nota baðið sem "verkjalyf" þá vildi ég fá mænudeyfingu, ég er ferlegur ketlingur þegar kemur að sársauka...sérstaklega þeim sem tengist móðurlífi... Hún var svo sett upp um kl. 17 en þá voru verkirnir orðnir nokkuð þéttir...
Við mænudeyfinguna duttu hríðarnar niður....eins og oft gerist og það var sett upp dripp hjá mér kl 18 til að herða á þeim. Um kl. 21 var ég komin með fulla útvíkkun og farin að finna all hressilega fyrir verkjum, þar sem $%&#$% deyfingin virkaði bara öðru megin!! Þetta hafði líka gerst þegar ég átti Andra og þá var þetta "lagað" í kvelli.....en blessuðum nemanum sem var með mig fannst ekki ástæða til að gera neitt, sama hvað ég sagði....Ég var því orðin frekar reið og pirruð þegar önnur ljósa kom, krafðist þess að fá meiri deyfingu....sem ég fékk auðvitað...en hún virkaði bara ekkert.....en svo fæddist þessi líka yndislega skotta okkar rétt fyrir kl. 23
Hún olli smá skrekk á stofunni, þar sem hún gaf ekki frá sér neitt hljóð allan tíman sem við vorum þarna...2 læknar komu og skoðuðu hana til að vera vissir um að allt væri í lagi...hún fékk súrefni í töluverðan tíma en svo fékk ég hana í fangið, þessa elsku
Við vorum góða stund í fæðingarherberginu, fengum bakka með kaffi, djús, vatni ristuðu brauði, skreyttu með danska fánanum LOL og ýmsu áleggi. Það var svo rosalega vel þegið og við réðumst á þetta eins og hungraðir úlfar!!
Síðan var okkur trillað inn á vökudeild, þar sem við mæðgur þurftum að vera í eftirliti út af blóðsykrinum. Dvölin þar var í alla staði frábær!!
Starfsfólkið hvert öðru yndislegra, ótrúlega hjálpsamt allt saman og ég á bara ekki orð yfir þjónustunni þarna!! Nú hef ég náttúrulega bara samanburð við færibandið á LSP sem ég gaf falleinkun fyrir 14 árum nú og ég hef ekki heyrt neitt mjög góðar sögur af vökudeildinni, þeas, aðstöðu fyrir foreldra......(er samt viss um að staffið þar er frábært!!)
Við mæðgur vorum í svolitlu brasi með brjóstagjöfina, báðar algerlega óreyndar á þessu sviði og litla hljóðláta konan mín sko með þeim óþolinmóðustu þegar kom að því að taka geirvörtuna!! Hún lætur sko í sér heyra þegar hún þarf að láta skoðun sína í ljós!! En konurnar á deildinni voru svo ákveðnar við hana að smám saman áttaði hún sig á að það þýddi ekkert að öskra á vörtuna, hún varð að sækja hana sjálf, hehehe!
Við vorum svo loksins útskrifaðar í dag, Helga kom og sótti okkur og hér erum við bara að hugga okkur við kertaljós (Það er svo kalt!!), ekki lengur litla fjölskyldan, heldur 5 manna stórfjölskylda!!
Við erum búin að nefna dömuna, hún heitir Hafrún Ása. Önju finnst nú þetta Hafrúnar nafn ómögulegt, hún segist ekki geta munað það og vill skipta!! en Ásu nafnið ágætt.......Hún var að reyna að semja um skipti í kvöld og stakk upp á að hún mundi bara heita Dísa Ása Lin!! LOLOLOLOL
 |
| From 2008-12-04 |
Það eru svo fleiri myndir inni á myndasíðunni sem þið komist í þarna í flipanum efst ;)
Nú eru bara 2 dagar í að ég verði sett af stað. Mér finnst þetta frekar óraunverulegt, sérstaklega tilhugsunin um að um næstu helgi verum við með lítið stelpuskott hér ;) Anja er orðin alveg svakalega spennt - en auðvitað líka vegna þess að á morgun fær hún að fara til Dagnýjar Evu vinkonu sinnar að gista... Það er auðvitað alveg toppurin!
Ég er annars búin að vera í tiltektarstuði hér, það lýsir sér í að ég tek mig til og klára hin ýmsu prjónaverkefni sem ég hef sett í salt einhverra hluta vegna og ég var að klára þennan kjól á Önju. Hann er prjónaður og þæfður svo... Fyrirsætan stillti sér auðvitað upp til að sýna hvað hann væri flottur ;)
 |
| From 2008-11-22 |
 |
| From 2008-11-22 |
 |
| From 2008-11-22 |
Jæja, ég býst ekki við að skrifa meir hér í bili fyrr en ég kem heim af fæðingardeildinni..hér er síðasta bumbumyndin sem verður tekin af mér... var tekin áðan, þá er ég komin nákvæmlega 38 vikur ;)
 |
| From 2008-11-22 |
og svona að lokum mynd af sætustu á leið í afmæli ;)
 |
| From 2008-11-22 |
bless í bili ;)
Já þá er bara vika eftir í að ég verði sett af stað!! Ji hvað þetta er ótrúelga fljótt að líða... Mér finnst eiginlega eins og ég sé ekki búin að vera neitt ólétt...LOL en síðustu daga finnst mér ég nú ekkert nema kúlan! Hún er líka frekar aum og ekki gott að reka hana utaní!
Það er annars allt gott að frétta hér...Gunni stendur sig eins og hetja í að læra dönsku ;) Fer nánast daglega í búð og kjaftar á honum hver tuska við afgreiðslufólkið LOLOL Bara gott mál!
Set inn meiri fréttir síðar...nenni nú ekki mikið að sitja í tölvunni,enda lítið pláss fyrir mig við hana ;)
Jæja við hjónin fórum til Odense í dag í eftirlit. Ég fór í vaxtasónar þar sem kom í ljós að daman er orðin 3300gr og allt leit bara mjög vel út ;) Það var tekin ákvörðun um að setja mig af stað þann 1. des og er það bara gott. Að vísu mundi ég alveg vilja að það yrði eitthvað fyrr sem skottan kæmi, ég er orðin ansi slæm af bjúg... var eitthvað að kvarta yfir því við læknana sem ég hitti í dag......en þeir bentu mér vinsamlega á að ég væri nú ekki 25 lengur!!!! ahahahhahahaha Ég veit sko ekki hvað þetta fólk er að meina!!!!! Mér líður sko alveg 25!!! Enda á ég 42 ára mömmu þannig að ég get nú ekki verið mjög gömul! hehehe
Það er sem sagt annars bara allt fínt að frétta héðan...Gunni kom 10. nóv... eftir laaant ferðalag með millilendingu í Berlín...sko það er víst í leiðinni til Kbh!!! En mikið er nú gott að vera búin að heimta hann! Ég keypti bara miða aðra leiðina fyrir hann, og krossa svo fingur um að bæði flugfélögin á Íslandi verð farin á hausin þannig að hann gerist bara dani á meðan við erum hér !! hehehe
Ég er enn í skólanum, mæti þó ekki í tíma heldur tek þátt í þeim verkefnum sem við þurfum að skila og nú í morgun skiluðum við næstsíðasta verkefni annarinnar. Það var tölvuleikur sem við áttum að gera í flash... Það gekk nú svona lala að gera hann, við vorum búin að plana mun stærri leik en við skiluðum, en okkur gekk illa að setja þetta inn í forritin og fá þetta til að fúnkera allt saman þannig að við skiluðum bara mjög litlum leik!! LOL en hvað um það, aðalatriðið í þessu verkefni var að gera sitt besta og hafa gaman af því..sem við sannarlega gerðum!! Síðan tekur bara lokaverkefnið við, sem við fáum upplýsingar um 5. desember og svo eigum við að skila því í byrjun janúar og þá er önnin búin......eða því næst.......bara eftir kynning sem er nokkurskonar munnlegt próf í lok janúar ;) Ég er bara bjartsýn á að mér nái að takast að ljúka önninni þrátt fyrir allt, enda í hóp með góðu fólki ;)
Læt þetta nægja í bili ;) endilega kvittið nú fyrir komuna ef þið hafið komist svo langt að lesa hingað niður LOLOLOL
