Nú er ég loksins búin að fá myndir af fermingunni hans Andra og er búin að skella þeim inn í albúmið ef þið viljið sjá ;) Það var hún Hrafnhildur frænka mín sem tók þessar flottu myndir!! takk takk Hrafnhildur!! ég er mjög ánægð með þær ;)
Já ég er búin að vera netlaus í svolítinn tíma...aðeins að kenna Andra hvernig þetta var í gamla daga! LOLOL og ómægod drengurinn er meiri netsjúklingur en ég!! Ég hélt að það væri ekki hægt!
En það er búið að vera mjög gaman undanfarna viku hjá okkur. Kristín, Jens og Katrín Lára voru í heimsókn hér í Sønderborg og buðu þau okkur með í Lególand á mánudag. Það var bara geggjað! Anja hafði ekki farið áður þangað og kræst...maður þarf eiginlega viku með henni þar, því hún þarf að prufa ÖLL tækin! LOL Ég tók nokkrar myndir...en það gekk ekkert sérlega vel, því hún mátti bara ekki vera að því að stoppa!
Það eru svo fleiri myndir í albúminu ;)
Á miðvikudagskvöldið var okkur svo villisvín......og ég komst að því að það er geðvikt gott....en jafnframt líka jafn mikið svínakjöt og húsdýrin!!! Fimmtudagurinn var því bara rólegur hér heima....enda betra að vera nálægt klósetti!! Úff! en ég veit það bara næst ;)
Á morgun koma svo Gunni og mamma.......(loksins!!) en þau stoppa því miður bara fram á þriðjudag....mér finnst það náttúrulega ALLT OF STUTT!!! og það er spurning um að senda hann Gunna minn á svona námskeið í planleggingu og tímastjórnun þannig að hann geti tekið sér svosem eins og viku frí ;) En þetta er líklega betra en ekkert ...
Kennslan er svo búin í skólanum og nú er bara lokaverkefnið eftir sem er að búa til heimasíðu...það gengur ágætlega, nema ég hef ekki nennt að kíkja á það í heila viku ;) en við eigum ekki að skila fyrr en 24. maí þannig að það er svosem nógur tími eftir ;)
Bless í bili, og ég minni á íslenska símann minn sem er 496 0934 sem er núna kominn aftur í gagnið eftir að netið opnaði ;)
Já í þessari fjölskyldu fær maður stundum afmælisgjafir snemma! Þannig var það í gær að Anja fékk afmælisgjöfina sína, eða hjól! Hún var aldeilis glöð skottan þegar hún fór í hjólreiðatúr eftir að Andri var búin að skrúfa það saman ;)
Hér er hún svo á reiðskjótanum í dag, en það var sól og 10 stiga hiti þegar við hjóluðum til Hafdísar... Það ringdi aftur á móti svo mikið í gær að það var ekki hægt að taka myndir þá ;)
Og eins og alltaf eru fleiri myndir í albúminu sem þið komist í með því að smella á myndina eða velja flipann albúm hér fyrir ofan ;)
Ég var að fá myndir frá henni Hafdísi vinkonu minni sem hún tók af Önjuskottinu mínu og ómægod hvað þær eru fyndnar!! Þetta skott sem mér var falið er alger "kremdolla" æ þið vitið hvað ég meina, snyrtipinni!! Helst mundi hún fara máluð í leikskólann og nokkru sinnum hefur hún reynt að smygla varalitum með!!! Hvaðan hefur barnið þetta?? Getur málingar og kremæði verið genetíst?? Spurning hvort Kári verði ekki að kíkja á þetta, því ekki hefur stelpan þetta frá mér! LOLOL
Það eru fleiri myndir af pæjunni í albúminu mínu sem er þarna efst í flipunum ef þið viljið kíkja!
Hvert fór tíminn eiginlega??? Það er víst rétt hjá henni mömmu að ég er ekki búin að vera dugleg að blogga undanfarið LOL en það er nú víst þannig að það er ótrúlega skemmtilegt í þessum blessaða skóla þannig að maður er svolítið mikið lærandi öllum stundum!
Sem dæmi, þá var ég búin að ákveða að eiga frí frá náminu í dag og fór því í að taka til í herberginu hennar Önju nú og fyrst ég var komin með ryksuguna í hendur þá ákvað ég auðvitað að ryksuga restina af húsinu... Síðan skrappaði ég eina síðu og þá var klukkan bara um 9 minnir mig...þannig að ég fór í að leita að upplýsingum um hvernig maður setur inn link á bakgrunn sem er eingöngu inni í css en ekki í Dreamweaver bakgrunninum......(ef einhver getur frætt mig á því þá er öll hjálp vel þegin!!) þannig að ég gúgglaði hinar ýmsu útgáfur af þessu vandamáli og fann auðvitað heilan helling af upplýsingum sem ég las auðvitað allar...þar sem mér finnst svoooo ótrúlega gaman að lesa svona leiðbeiningar! (þetta er ekki grín) En þar sem ég fann ekkert út úr þessu og hafði ætlað að eiga frí í dag þá bara hætti ég að hugsa um þetta og fór í staðinn að skoða skrapp á netinu...nokkuð sem er alveg nauðsynlegt! Ég fann fínar síður um Digi skrapp sem ég á eftir að lesa betur ;)
Annars er bara gott að frétta hér, vorið er komið, 13 stigi hiti í dag og sól. Valey kom í mat í gærkvöldi í tilraunaeldhúsið mitt og sveimérþá ef ég fer ekki bráðum að gefa út matreiðslubók eldhúsaulans!! LOL Ég galdraði fram þessar dýrindis kjötbollur með piparosti og blaðlauk ;) það var semsagt inní þeim...osturinn og laukurinn... Þetta var bara gott, sérstaklega með þessu yndislega hvítvíni sem Valey bauð uppá!
Jæja, hef þetta ekkert lengra í bili...
Já nú er enn eitt verkefnið á enda hjá mér! Í dag vorum við að skila verkefni sem við áttum að gera fyrir Hárgreiðsluskóla í Odense. Þetta var ansi viðfangsmikið verkefni þannig lagað...við áttum að búa til nýja heimasíðu fyrir skólann sem virkaði alveg frá a - ö.. Ég var í hóp með Hafdísi, Brian og Henriettu og völdum við að fara þá leið að þessu að hver og einn ynni með forrit sem hann væri ekki vanur þannig að við fengjum nú eitthvað út úr þessu.
Við vorum bara mjög sátt við útkomuna og við lærðum alveg helling af þessu!! Þar sem ég var á Íslandi helminginn af projectinu þá ákváðum við að ég kæmi bara inn þar sem þörf væri á og það varð úr að ég vann með Hafdísi að hönnun síðunnar í Dreamweaver. Hvorug okkar hafði opnað þetta forrit áður þannig að þetta var oft á tíðum ansi mikið - kanski óþarflega mikið ströggl hjá okkur sem við hefðum ekki verið í ef við hefðum kunnað eitthvað á forritið, en við lærðum þvílíkt á þessu að það er bara á við margar kennslustundir!!!
Síðan var kynningin í dag. Við byrjuðum og gekk þetta bara vel hjá okkur, amk fengum við mjög góð komment bæði á kynninguna og verkefnið í heild sinni. Að vísu vorum við frekar óhress með suma samnemendur okkar sem sáu sér ekki fært um að þegja heldur flissuðu og kjöftuðu á meðan á kynningunum stóð. Það var einn hópur sem var svoleiðis að það var áberandi og pirrandi hvað þau voru blaðrandi og flissandi eins og smá krakkar á meðan á öllum kynningunum stóð! Þetta var mjög slæmt þegar maður var að reyna að hlusta á hvað þau sem voru að kynna voru að segja, en studum heyrðist það alls ekki þar sem fíflagangurinn var svo mikill. Reyndar kom einn meðlima í "flisshópnum" til okkar síðar og bað afsökunnar á þessu. Hún hafði stöðugt verið að sussa á eina í hópnum en án árangurs. Hópurinn okkar var ekki sá eini sem var undrandi á þessum dónaskap.
Annars gengu kynningarnar mjög vel fyrir sig og gaman að sjá hvað fólk var með ólík verkefni. Flest allir kynntu verkefnin sín með mikilli prýði, töluðu án þess að lesa upp af blaði og voru flottir á því! Það er virkilega gaman að þessu, hellingur sem hægt er að læra af hinum og einnig mjög gott að fá feedback fyrir komandi verkefni.
Næsta verkefnið er síðan lokaverkefnið á önninni þar sem við eigum að gera svona portfolio um okkur....kynna hvað við erum búin að gera í vetur og ef til vill það sem við höfum gert áður en við komum í skólann. Ég er núþegar komin með hugmynd í kollinn, get ekki beðið með að byrja en ætla að lesa mér aðeins betur til um forrit sem koma til greina í vinnuna við þetta áður en ég byrja....enda liggur ekkert á, það eru 2 vikur í að við eigum að byrja!!
Já við erum komin heim aftur eftir mjög velheppnaða en erfiða ferð til Íslands. Ferminginn gekk mjög vel, Andri sagði já á réttum stað, þuldi upp trúarjátningu og eitthvað fleira og fór í gegn um þetta með stæl, enda ekki annað hægt eftir alla kirkjuferðirnar hér í Danmörku! Hann var síðan alveg ofsalega ánægður með daginn, enda ekki annað hægt! Hann fékk auðvitað mikið af gjöfum, mest þó peninga sem er bara gott, þar sem auðvelt er að flytja þá á milli landa ;)
Veitingarnar voru síðan alger klassi! Heimabakstur á la mamma og "mamma" Didda! Rosafínar snittur frá Gunnu "móðusystur", tortilla vefjur frá Sóma og síðan en ekki síst geggjuð fermingarterta frá Sandholtsbakarí. Mæli sko með þeim, ég hef ekki séð fallegri köku! Því miður er ég ekki komin með neinar myndir enþá þar sem myndasmiðurinn er upptekin við að photoshoppa þær...æ ég vildi losna við nokkur kíló sko! LOL
Við vorum svo í góðu yfirlæti á Akranesi sem var bara geggjað. Fengum lánaða íbúð hjá henni Önnu Leif, vinkonu minni og drykkjufélaga úr Brekkó. Anja fékk svo að fara í heimsókn á Garðasel alla vikuna frá 10 - 13 og það þótti henni sko ekki leiðinlegt! Það var bara eins og hún hefði aldrei farið neitt! Þetta er bara æðislegur leikskóli og við söknum þess mjög mikið að hafa ekki getað flutt hann með okkur!
Við mæðgur skelltum okkur auðvitað í heimsókn til Ölmu vinkonu og Kristins á Fljótshóla og við vorum ekki búin að vera lengi þegar Anja byrjaði að suða um að fá að fara á hestbak... Hún var rosa glöð þegar Alma bauð henni bara að velja sér reiðskjóta í hesthúsinu til að fara á og hún valdi strax fallega gráa meri sem heitir Ísabella! Vel við hæfi það og daman var eins og prinsessa á hryssunni sem var algveg saman þó þetta tryppi sæti á henni. Það var svo kalt og mikið rok að við morum bara inni á ganginum með dömurnar. Á eftir fékk Anja að hjálpa til við að gefa og fylgjast með þegar folöldin og tryppin voru rekin inn. Hún var svooo bóndaleg þar sem hún leiddi Kristinn niður í vélaskemmu. Hvaðan ætli hún hafi þetta?
Eftir að hafa notið okkar á Skaganum, drukkið með rauðvínsklúbbnum og heimsótt Brekkó fórum við norður til Mömmu og Þráins. Þar biðu okkar bara veislumáltíðar, eins og mömmu einni er lagið!! Það var lambahryggur, saltkjöt og baunir, gúllas, grjónagrautur og saltfiskréttur. Algert æði! Þetta var sem betur fer ekki allt sama daginn en vá hvað maður var saddur!
Ég eyddi síðan laugardeginum í að skrappa með Stínu í Miðhópi og Sirrý vinkonu. Ja ég skrappaði nú eiginlega ekkert, var meira að koma stelpunum af stað í þessu þar sem þær ætla að gera albúm fyrir synina sína. Þær eru auðvitað algerir snillar þegar kemur að föndri þannig að útkoman hjá þeim var mjöööög flott! Þetta eru bara fyrstu og einu síðurnar sem ég hef séð sem er ekki neinn byrjendabragur á!
Allavega......við fórum á páskadagskvöld út á Sólbakka til Sirrýar og Skúla og spiluðum fram á rauða nótt....eftir að búið var að svæfa karlana fengum við Sirrý okkur bjór og töluðum til 6!!! Ekki skrýtið þar sem ég get ekki sagt að við höfum heyrst síðan ég flutti út! Það var bara gaman. Daginn eftir bauð Skúli upp á veislu að sínum hætti, saltað hrossakjöt sem var bara dýrðlegt! Hvað er hægt að hugsa sér betra? ég bara spyr?
Eftur páskahátiðina skelltum við okkur til Reykjavíkur þar sem við vorum búin að ákveða að eyða síðustu 2 dögunum bara í rólegheitum á hóteli. Það var mjög ljúft. Við vorum á Grand Hótel sem er rosalega notalegt og flott. Ég skellti mér svo á kaffihús með nokkrum skrappþotum, þeim Barböru, Eyrúnu og Möggu. Mikið rosalega var nú gaman að hitta þær og sveimér ef þær hafi ekki kitlað skrappgírinn aðeins!! Að minnsta kosti gat ég verslað mér pínulítið skrapp áður en ég kom heim!
Við komum síðan heim á fimmtudag og erum eiginelga ekki lent þar sem það er búið að vera svo mikið að gera í verkefna vinnu í skólanum síðan ég kom! Að vísu gáfum við Hafdís okkur tíma til að fá okkur smá hvítvínsdreytil... því ég hafði dröslað flösku með mér að heiman til að gefa henni að smakka, þar sem hún er ekki fyrir hvítvín! En það var ein og ég vissi, henni þótti það gott enda ekki hægt annað þar sem þetta er "ðe hvítvín" að mínu mati! (það þarf þó að vísu ekki að endurspegla mat þjóðarinnar LOL)
Já ælti þetta sé ekki að verða gott í þessari ritgerð...heimsóknin tókst sem sagt vel, ég hefði að vísu alveg viljað hitta fleiri, til dæmis fara til Lindu og heilsa upp á hana Guggu, en svona er það, það var eiginlega hver mínúta fullnýtt!!
Bless í bili..... ;)
