Hvert fór tíminn eiginlega??? Það er víst rétt hjá henni mömmu að ég er ekki búin að vera dugleg að blogga undanfarið LOL en það er nú víst þannig að það er ótrúlega skemmtilegt í þessum blessaða skóla þannig að maður er svolítið mikið lærandi öllum stundum!
Sem dæmi, þá var ég búin að ákveða að eiga frí frá náminu í dag og fór því í að taka til í herberginu hennar Önju nú og fyrst ég var komin með ryksuguna í hendur þá ákvað ég auðvitað að ryksuga restina af húsinu... Síðan skrappaði ég eina síðu og þá var klukkan bara um 9 minnir mig...þannig að ég fór í að leita að upplýsingum um hvernig maður setur inn link á bakgrunn sem er eingöngu inni í css en ekki í Dreamweaver bakgrunninum......(ef einhver getur frætt mig á því þá er öll hjálp vel þegin!!) þannig að ég gúgglaði hinar ýmsu útgáfur af þessu vandamáli og fann auðvitað heilan helling af upplýsingum sem ég las auðvitað allar...þar sem mér finnst svoooo ótrúlega gaman að lesa svona leiðbeiningar! (þetta er ekki grín) En þar sem ég fann ekkert út úr þessu og hafði ætlað að eiga frí í dag þá bara hætti ég að hugsa um þetta og fór í staðinn að skoða skrapp á netinu...nokkuð sem er alveg nauðsynlegt! Ég fann fínar síður um Digi skrapp sem ég á eftir að lesa betur ;)
Annars er bara gott að frétta hér, vorið er komið, 13 stigi hiti í dag og sól. Valey kom í mat í gærkvöldi í tilraunaeldhúsið mitt og sveimérþá ef ég fer ekki bráðum að gefa út matreiðslubók eldhúsaulans!! LOL Ég galdraði fram þessar dýrindis kjötbollur með piparosti og blaðlauk ;) það var semsagt inní þeim...osturinn og laukurinn... Þetta var bara gott, sérstaklega með þessu yndislega hvítvíni sem Valey bauð uppá!
Jæja, hef þetta ekkert lengra í bili...
Bender
kv,
gugga
Kveðja Hafdís
Spurning bara um að slá saman í örfá stykki. Ég get líka alltaf fundið nokkra ódýra á loppu.
Helga og Hafdís....af hverju haldið þið að ég eigi bara 4 diska??? það er auðvitað vegna þess að ég borða sko ekki af einhverju ódýru rusli!! Loppu hvað??
Léleg afsökun!