Danmörk

Ég var að enda við að horfa á þátt í sjónvarpinu áðan sem fjallaði um ættleiðingar. Þar var alveg hreint ótrúleg frásögn konu sem var ættleidd frá Kóreu fyrir rúmlega 30 árum síðan.

Hún var ættleidd þegar hún var rúmlega 8 mánaða gömul og ólst upp sem einkabarn foreldra sinna hér í Dk. Hún fékk snemma það mikinn áhuga á Kóreu og kóreanskri menningu að hún ákvað að læra málið og heimsækja landið um leið og hún hefði tækifæri til. Hún lýsti því þannig að það hafi alltaf verið þessi sterka þörf sem togaði í hana.

Jæja, hún lærir málið og loks hafði hún tækifæri til að fara í heimsókn í upprunalandið sitt og þar sem hún var nú á annað borð að fara þangað þá ákvað hún að athuga hvort hún fyndi út eitthvað um sína fortíð þar.

Þegar hún kom þangað fékk hún að vita að blóðmóðir hennar var á lífi og hún fékk að heimsækja hana, þar eignaðist hún allt í einu stóra fjölskyldu, 2 eldri systkyni, móður og ömmu!

Þetta var ótrúleg reynsla fyrir hana, en það sem ótrúlegra var að í öll þessi ár hafði móðir hennar í Kóreu leitað hennar! Málið var nefnilega að hún átti að dvelja á barnaheimili þar til foreldrar hennar væru komin yfir einhverja erfiðleika sem þau voru í, hún átti sem sagt bara að vera þar stutt.....þegar mamman kom svo til að sækja hana þá ver búið að gefa hana burt.

Mér finnst ótrúlegt alveg að þær skulu svo hafa hittst rúmlega 30 árum seinna!

Segir manni það sem ég segi alltaf.....það er ekkert til sem heita tilviljanir!

Þannig er nú það......Héðan er annars lítið að frétta, Hafrún Ása er byrjuð hjá dagmömmu sem er algert æði, hún er eina dagmömmubarnið og elskar að fá alla þessa athyggli sem hún fær þar ;) verst er að sonur dagmömmunar sem er 16 mánaða grætur þegar hún fer! Hann skilur ekkert í því að hann meigi ekki bara hafa hana alveg! hehehe
Hún er annars búin að vera lasin greyið síðustu daga, með hita og hor..
Anja er voða glöð í SFO en þau eru að flytja yfir í Sonderskov skólann núna 2 júlí þar sem þau verða svo í framtíðinni, það finnst henni voða spennandi, því þá eru þau með fleirum en bara núlta bekk ;)

Andri er kominn í langþráð frí....núna getur hann hangið í tölvunni allan sólarhringinn!!!......not!!! LOL

Það er búið að vera ótrúlega heitt hér í dag og það er búið að spá yfir 30 stigum næstu daga! úff! Vona að HÁ verði hress fljótt svo við getum farið að skella okkur á ströndina!

bless í bili!

Ji, maður er eiginlega búin að gleyma því hvernig maður bloggar!! Annars er það nú líka kanski vegna þess að ég hef haft mikið að gera frá því ég skrifaði síðast ;)

Sirrý kom í heimsókn til okkar og það var bara yndislgt! Ótrúlega skemmtilegt, og ég lifi eiginlega bara enn á því! Takk Sirrý!!!

Gunni var hér um páskana og það var auðvitað alveg frábært. Hann notar tímann alltaf vel og spillir annars fullkomnu uppeldi hjá mér á ungunum hehehe

Nú man ég hreinlega ekki hvort ég var búin að segja frá því að Anja er hætt í leikskólanum og farin í SFO sem er skólavistin. Lita barnið mitt er semsagt byrjuð í skólanum! Henni finnst það bara gaman og fer með bróður sínum á hverjum morgni þangað. Hún er aldeilis orðin mun stærri en síðast, komin með 2 fullorðinstennur! sem ruku bara upp án þess að barnatennurnar dyttu Hehe, en þær eru farnar núna, önnur var fjarlægð með mínu handafli, en tannlæknirinn tók hina. Anja er ofsalega ánægð með þetta, auðvitað ;)

Hafrún Ása stækkar líka og dafnar vel. Hún veit alveg hvað hún vill...en það er matur!! hehehe hún er algert matargat og grenjar eins og stunginn grís ef hún heldur að grauturinn sé búinn áður en hún er orðin södd! Þessi engill, sem lætur annars aldrei í sér heyra og skiptir ekki skapi öllu jöfnu! Hún er ofsalega róleg og góð, er mikil félagsvera og finnst mjög gaman að spjalla við hvern sem er. Hún hefur mjög gaman af öðrum börnum og finnst þau bara drepfyndin! Hún er líka sjónvarpsáhugakona og horfir ánægð á barnatímann á hverjum degi á meðan undirrituð kannar feisið ;) Best finnst henni þó að borða og ber hún það með sér, með ættarlærin og rass og stækkar og dafnar! Hún er komin með 2 tennur sem hún beitir óspart á allt sem hún nær tökum á ;)
Daman byrjar svo hjá dagmömmu 21. júní. Það verður gaman að sjá hvernig það muni ganga, en ég er viss um að hún mun hafa gott og gaman af því, þar sem hún er ofsaleg félagsvera, alltaf brosandi og glöð :)

Skólinn er alveg að verða búinn hjá mér, bara eftir 1 próf sem verður 15. júní. Ég var í öðru prófi um daginn og fékk 10 fyrir það, er bara svakalega ánægð með það ;)

Mamma er hjá okkur núna, og það er ekkert smá hjálp í því! Það er ekki bara að hún eldi og búi til kjötbollur í frystinn af miklum móð heldur skellir hún í pönnsur þegar við erum að funda hér heima og síðan spilum við 100x á dag!! Fullkomið! ;)

Framundan er svo bara að sleikja sólina hér........ég er búin að panta extra gott sumar! Gunni er svo væntanlegur aftur í júlí og verður vonandi fram í ágúst. Við ætlum ekkert heim í sumar, ætlum frekar að reyna að ferðast eitthvað hér á meginlandinu, ef efni og aðstæður leyfa.

meira síðar..........

Ji það eru bara komnir páskar!! Maður fattar ekki hversu hratt tíminn líður.....ætli Hafrún Ása verði bara ekki fermd áður en maður snýr sér við!

Það er búið að vera ansi mikið að gera hér......eða ég tel mér amk trú um það LOL Nóg að gera í skólanum með tilheyrandi verkefnaskilum og svoleiðis ;)

Börnin dafna vel...Andri er að fara í viku til Kaupmannahafnar eftir páska með skólanum sínum. Anja er að verða skólastelpa og byrjar í SFO sem er skólaselið, 1. maí. Hún er voða spennt fyrir þessu öllu saman og stækkar bara með hverjum degi hehehe.

Við tókum hjálpardekkin af hjólinu hennar í gær þannig að nú er henni ekkert að vanbúnaði að fara bara í skóla!

Hafrún Ása stækkar líka ótrúlega... Hún er búin að lengjast um heila 15 cm frá því hún fæddist! Ég veit ekki hvar þetta endar! Hún er loksins loksins farin að taka snuð eins og venjulegt fólk! LOLOL Ég keypti enn eina týpuna af snuði núna í vikunni og viti menn það var einmitt snuðið sem hún var að bíða eftir!! ahahahha nú er hún bara snuddustelpa og heldur henni upp í sér nánast alla nóttina ;)

Gunni er búin að vera hjá okkur frá því í byrjun apríl en hann fer aftur eftir páska... Verst að geta ekki kyrrsett hann bara for good! Það er spurning um að hlekkja hann við eldavélina!

Ég var annars að henda inn nokkrum nýjum myndum inn í albúmið ef þið viljið kíkja Anna Leif og Rós ;) ;) ;)

Biðjum að helisa í snjóinn!

ég nenni ekki að blogga.....er nokkur sem les þetta hvort sem er?

Var að setja inn myndir hér :)

Er það ekki vel við hæfi að óska gleðilegs árs svona þegar febrúar mánuður er hálfnaður ;) ég er þá alveg örugg með að það er komið nýtt ár! LOL nú og svo er kínversku áramótin ný liðin þannig að ég er í sjálfu sér ekkert rosalega sein...þannig lagað.

Það hefur verið mikið að gera á þessum bæ. Jólin komu og fóru. Mamma kom á milli hátíða og við notuðum tækifærið og létum skíra Hafrúnu Ása 28. desember. Það var bara notaleg stund, en hún var skírð í messu sem var á vegum íslendingafélagsins hér í Sönderborg og íslenski sendiráðspresturinn messaði.

Síðan komu áramótin og við fórum í mat til Sigrúnar og Reynis og fengum þar dýrindis veislu! Það var boðið upp á kalkún sem var alveg hreint frábær...nú og svo sló eftirrétturinn allt út...svona blaut súkkulaðikaka.....ummm ég fæ nú bara vatn í munninn við tilhugsunina!

Janúar gekk í garð með stressi og látum, við skiluðum annarverkefninu okkar þann 6. janúar og síðan kynntum við það og tókum próf 20. janúar. Það gekk bara vel. Ég náði sem betur fer, fékk 7!! en þegar ég kom út úr prófinu var ég sko alls ekki viss um að hafa náð þessu þar sem mér fannst mér ganga alveg hörmulega! Þetta slapp fyrir horn þó, mér til mikillar ánægju.

Skólinn byrjaði svo aftur 26. janúar...nema hjá mér því ég lá inni á spítala þann dag! Ég fékk eitthvert óútskýrðan krampa á laugardeginum áður þar sem ég var stödd ásamt vinkonum við landamærin á Þýskalandi...og þar sem það var svo miklu styttra á sjúkrahúsið í Flensburg þá var ég flutt þangað í snarhasti... Ég þakka nú bara mínum sæla fyrir að hafa kunnað þýsku! Ég hefði ekki viljað vera þarna án þess, því ég held að það hafi bara læknirinn í sjúkrabílnum talað ensku! Ég var í rannsóknum í 4 daga en það kom ekkert út úr þeim og á ég að fara áfram í eitthver próf hér í Danmörku á næstunni.

Gunni er hér enþá, orðinn meira danskur en hann var áður en hann kom ;) en hann fer heim 17. febrúar...vonandi bara til að finna það endanlega út að það er nákvæmlega ekkert sem er heillandi við að búa á Íslandi í dag - þannig að hann snýr fljótt aftur hingað heim! LOL Allavega keypti ég miða í dag fyrir hann fram og til baka ;)

Börnin eru í vetrarfríi í skólanum og leikskólanum, þeim til mikillar ánægju, en Anja er orðin ansi langeygð eftir því að verða skólastelpa og byrja í SFO. Það verður þó ekki fyrr en í maí sem hún skiptir yfir í skólagæsluna og hættir að vera leikskólastelpa. Hún verður vonandi í bekk með Malín vinkonu sinni og hugsanlega líka Anítu sem er líka vinkona hennar ;) Mér finnst það rosalega gott að hún geti verið í bekk með vinum, það hjálpar henni (og mér) að aðlagast breyttum aðstæðum.

Andri er í tölvunni...helst allan sólarhringinn ef hann mætti ráða! LOL en hann er þó áfram alveg ofsalega duglegur að hjálpa til við það sem þarf hér á heimilinu og er nú þegar búin að ná góðum tökum á að hugga litla skottið!

Hún Hafrún Ása stækkar og dafnar bara rosalega vel. Hún er orðn 60cm og 6 kg. stefnir í að verða alger michellin stelpa með þessu áframhaldi!! Hún veit sko alveg hvað hún vill, daman - og rífst og skammast við brjóstið ef hún fær mjólkina sína ekki eins hratt og hún vill! LOL Hún er þó alveg ofsalega vær og góð og dundar sér vel við að sitja og fylgjast með því sem er að gerast í kring um sig.

Ég er búin að setja inn eitthvað af nýjum myndum á myndasíðuna okkar, en tengillinn inn á hana er þarna efst....

bless í bili og endilega kvittið fyrir komuna....ef einhver hefur nennt að lesa alla leið!!

Já það er víst komin 22. desember og yngsti fjölskyldumeðlimurinn er 3gja vikna í dag! Ótrúlegt alveg hvað tíminn æðir áfram!

Hér er eiginlega ekkert jólalegt! Enginn snjór, hávaða rok, við erum ekki búin að fá okkur jólatré eða jólaskraut, en gerum það á morgun, vonandi...

Annars dafna allir bara vel ;) Anja er búin að opna allt súkkulaðidagatalið sitt í von um að jólin komi fyrr....Gunni er búin að fá jólabærkurnar í pósti.....Andri hangir í tölvunni og ég prjóna ;) Sem sagt allt í fína hér ;)

Gleðileg jól !!