Hérna er steik dag eftir dag, hiti, en ekki allt í streik, en fjölskyldan "öll" hefur það fínt. Fórum að kanna stöðuna í morgun og þá kom sannleikurinn í ljós, þetta erlíklegast dama, en hún var nú frekar feimin að sýna sig þannig að ljósan var ekki 100%.
Engin hafi spáð þessu fyrir í fjölskyldunni. (nema Þórunn, Anja, Stella, Sirrý og einhverjar fleiri!! nema Dísa...hún segir að þetta sé strákur ;) ) Allt leit nú annars vel út, öll líffæri á sínum stað og fínn hjartsláttur ;)
Við fórum á ströndina í gær og fyrrdag en þar hellingur af sólþystum Dönum og einn og einn Íslendingur, jafn hvítir og sandurinn, allavega Andri og Palli.
Við erum að undirbúa afmælið fyrir dömuna sem verður á miðvikudaginn en það gengur rólega. Það er ekkert byrjað á því vegna hitabylgju sem gengur yfir svæðið. Líklega verður afmælið haldið undan dyra, til að losna sem fyrst við gestina. Enda mikið af flugum úti í garðinn. ;)
kveðja
Gunni!
Það er ótrúlegt en satt að stelpuskottið mitt er 5 ára í dag! Skrýtið hvað tíminn er fljótur að líða og á næsta ári fer hún í skóla......ómæ...ég er ekki alveg viss um að mömmuhjartað sé tilbúin í svoleiðis stökk.... Það er sko nógu erfitt að sjá á eftir henni á leikskólann!
Við áttum annars bara mjög notalegan dag, við mæðginin. Stefnan var tekin á dótabúiðin þar sem Anja ætlaði að gefa mér hugmyndir að góðum afmælisgjöfum í tilefni dagsins...en við vorum búin að ákveða að geyma veisluna þar til amma og pabbi koma í lok mánaðarins...
Það var ótrúlega margt sem heillaði unga (stóra) dömu í BR alls kyns barbí dót, hestar, legó og föndur....hún fann meira að segja verkfærasett sem henni leist mjög vel á ;)
Síðan fór hún með bróður sínum útúr búðinni, hún þurfti á klóið en svo áttu þau að fá sér ís...og á meðan átti ég að kaupa gjöf og láta pakka henni inn...
Í því sem ég var að ákveða hvað væri nú best, rak ég augun í að leikjatölvan sem hún er alltaf að skoða var á tilboði og þar sem ég er nú tæknilega sinnuð mamma, og tölvan er kennslumiðuð (kennir bæði að lesa og reikna) þá auðvitað skellti ég mér á hana!
Þegar ég var að borga komu systkinin, Anja ósátt við að fara að fá sér ís, vildi aðeins sýna mér eitthvað fleira og var víst komin með einhverja bakþanka um hvað hana langaði í...en Andri vildi ekki hleypa henni inn hvað sem tautaði og raulaði....LOL... Það getur verið erfitt að meiga velja sér afmælisgjör!!
Hún var þó meir en lítið ánægð þegar hún sá hvað hún fékk....og benti mér á að allt hitt sem hún hefði talið upp gæti bara komið í næsta afmæli! LOLOL
Bumbukríli Bender 12 vikna ;)
Já ég komst loksins í það að setja þessa mynd á netið ;)Ætla að skrappa hana seinna, kanski bara seinna í kvöld ;)
Það er annars búið að vera mikið að gera, fór með Palla og börnunum á ströndina við Flensburg á laugardag og það var bara æðislegt! Ströndin þarna er geggjuð, fullkomin fyrir kríli að sulla í. Bara sandur og grynningar og auðvelt fyrir þau að vaða og sulla ein. Síðan eru leiktæki þarna líka, bara svona eins og á róló ;)
Fyrirsætubros í Þýskalandi
Síðan á sunnudaginn komu Sólveig, Halli, Una, Hrafn og Helga Lan í heimsókn og gistu hjá okkur eina nótt. Það var bara algert æði að fá þau!! Ég hef ekki hitt þau í heilt ár og það var svo gaman hvað stelpurnar náðu fljótt saman og léku sér strax mikið! Þær eru algerar snúllur....leiddust um allt og voru svo sætar ;)
Á laugardagskvöldið fórum við að borða á Mongolian Barbiecue....nema hvað og maturinn það var auðvitað góður....eins og alltaf!! Síðan á sunnudaginn skruppum við í mylluna úti í Dybbøl í smá skoðunarferð. Það var mjög gaman, en ég held að stelpurnar hafi nú verið þær áhugasömustu á svæðinu!! Sáu styttur og myndir af fullt af dauðum hermönnum, nú eða deyjandi LOL og þær þurftu að fá að vita allt um málið!!
Algerar snúllur!
Við skruppum svo í bæinn á eftir, aðeins að kíkja á útsölur og auðvitað vatt ég mér inn í H&M... þurfti sko aðeins að kíkja á óléttuföt LOL á meðan ég var að skoða var Anja afskaplega upptekin í ungbarnadeildinni, ég hélt að hún væri bara að skoða...en hún kom með fangið fullt af kjólum, örugglega eina 5 og pínu litla bleika Hello Kittý skó........Mamma, við verðum að kaupa þetta fyrir litla barnið!! sko...þetta passar alveg!! Hún var mjög ákveðin, og benti mér á að þetta væri sko allt með rauðum miða, sem sagt á útsölu!! LOL ÉG sagði henni að þetta mundi nú ekki passa mjög vel ef barnið væri nú strákur..... Mamma, þetta ER stelpa, ég er ALVEG viss!!! LOLOL Já hún er sko ekkert að hika LOL Eins gott að hún verði ekki fyrir vonbrigðum þegar við fáum krílið loksins í hendurnar hehehe.
Það er eins og venjulega fleiri myndir í albúminu ;)
Það er búið að vera geggjað veður hér í dag! Ég veit ekki hversu mikill hiti var en það var sem betur fer nokkuð hvasst þannig að það var alveg bærilegt ;)
Helga bauð okkur mæðgum með á ströndina í Skovby og það var alveg geggjað! Hún er svoo flott, sandurinn æði og sjórinn líka ;) Önjuskottinu var að vísu fljótt kalt, enda ekki eins vel einangruð og mamman, en hún skemmti sér konunglega og vill fara næstu 3 daga aftur...segir hún LOLOL Vonandi verður veðrið áfram svona gott þannig að við komumst meira á ströndina ;)
Annars er ég búin að finna það út að það eru nú fleiri leiðir að njóta góða veðursins en að fara út ;) Ég settist upp í gluggann hjá mér í svefnherberginu í gær og las í dágóða stund...eða þar til hitinn var orðinn óbærilegur...þá skellti ég mér bara í sólbað í rúminu ;) Það er bara geggjað að geta sameinað þetta svona....ég meina spáið í það.....ég get verið í sólbaði á náttfötunum!!
Önju fannst rétt að ég notaði sólarvörn!
Annars lenti ég í skemmtilegu atviki hér í dag þar sem við Anja biðum fyrir utan blokkina að bíða eftir Helgu... Ég tók eftir því að það stóðu 2 konur með kínverska dömu hinu megin við ljósin og auðvitað horfði ég og dáðist að stelpunni ;) Helga kom svo rétt í sama mund og þær voru að ganga fram hjá mér og hún kallar eitthvað til mín að hún ætli að beyja á ljósunum og leggja bara í stæði við blokkina þannig að við Anja snérum við og löbbuðum á eftir konunum... Þá snéri önnur þeirra sér við og sagði, ertu ekki Þórunn? LOLOL ég var nátturulega eins og rati eins ómannglögg og ég er...en kannaðist við barnið!! Þá voru þarna á ferð Helga og Stella Tong ;) sem var með okkur á námskeiði 3 hjá IÆ minnir mig ;) Já þetta er lítill heimur!
já það eru 11 mánuðir og 1 vika sem ég er búin að vera BÍLLAUS!! Ég get alveg sagt að ég er HÆTT að þola þetta! Ég veit að ég á æðislegt hjól.....hjólakerru.....flotta fætur...2 pör af skóm en KOMMON!!! ég er búin að fá nóg!
Ef þið vitið um bíl handa mér áður en ég enda með hraði inni á geðdeild látið mig vita!! ekki væri verra að skottið væri fullt af peningum ;)
Það má segja að hér ríki alger bloggleti! Hann Gunni kom á laugardaginn og fór í gær *sniff sniff* en það var rosalega gaman að fá hann og að hann skyldi stoppa lengur en í 3 daga!!! LOL
Við fórum lítið, bara í bæinn og út að borða og einu sinni til Þýskalands... Eiginlega vorum við bara að njóta þess að vera saman í rólegheitunum :)
Andri er búinn í skólanum (loksins! segir hann) þannig að nú getur hann farið að snúa sér að fullu að tölvunni LOLOL! Anja er farin að sofa í sínu herbergi, er að eigin sögn allt of stór til að sofa inni hjá mér! Það er bara æði! Ég sef svo illa þegar hún er alltaf að klóra sér. Annars gengur loksins vel með hana og exemið hennar, við fórum til læknis aftur sem loksins setti hana á lyf aftur og núna eitthvað sem virkar....Þau virka reyndar svoo vel að daman sefur eins og steinn nánast alla nóttina og nennir ekki að vakna á morgnana ;) Við ætluðum í leikskólann í morgun en nei...hún vildi sofa aðeins lengur..og gerði það ;) Ekki það að það pirri mig neitt að hún skuli vera svona morgunkúrari!!! Mér finnst það eiginlega bara gott ;) Henni veitir svosem ekki af því að fá loksins almennilegan svefn, hann er búin að vera alger hörmung alveg síðan við fluttum út!
Það er aldeilis búið að vera yndislegt hér undanfarið! Sirrý, Ólöf og Guðni komu í heimsókn til okkar og voru í viku! Við rúntuðum um nágrennið, skruppum 2x til útlanda ;) Fórum í Sommerland Syd, krakkarnir fóru í Danfoss Universe, skelltum okkur á Mongolian Barbicue, kíktum í Kolding Storcenter og versluðum heilan helling!!
Þetta var bara ótrúlega gaman, og ég er búin að setja inn myndir frá heimsókninni inn á myndaalbúmið, sem þið komist auðvitað á með því að smella á myndina hér fyrir neðan! ;)
Annars er bara allt gott að frétta héðan, það var óbærilega heitt vikuna áður en Sirrý kom, en það datt auðvitað niður um leið og þau voru komin, þannig að við fórum ekki á ströndina til að sulla í sjónum eins og til stóð... Það er líka búið að vera smá krankleiki hér á bæ, bæði börnin búin að liggja í flensu og Andri enn með hita og hálsbólgu. Ég er búin að ákveða að ég ætla að afþakka þessa pest ;) má ekkert vera að þessu þar sem Anja þarf að fara til læknis á morgun út af exeminu og síðan er Gunni að koma á laugardaginn ;)
Það er semsagt mikið að gera hér að venju, blogga síðar!