Nei mér leiðist ekkert.......ég vissi bara ekkert hvað ég átti að kalla þessa færslu!
Það er rosalega gaman í skólanum.....en stundum svolítið erfitt að halda sér vakandi! Við mæðgur vöknum á alveg svakalega ókristilegum tíma! Klukkan mín hringir 5:45 og ég vek Önju svona ca 10 mínútur yfir 6. Við erum svo heppnar að vera ekki morgunfúlar! Annars mundi þetta ekki ganga svona vel. Við erum svo komnar á leikskólann svona korter fyrir 7.
Það tekur rúman klukkutíma...ja eiginlega einn og hálfan að keyra til Kolding, amk svona í morgunumferðinni sem er oft þung.
Skólinn minn er við hliðina á Kolding Storcenter...sem er moll eins og nafnið bendir til, og við erum búnar að kíkja þangað 2x síðan skólinn byrjaði ;) (frekar leiðinlegt sko!!) Ég verslaði mér nýja pönnukökupönnu þar sem mín er óþolandi ómöguleg og að auki hjá Helgu...Það voru pönnur á tilboði í tilefni pönnukökudagsins sem var þann 4. feb minnir mig. Þetta er fínasta tefflon panna og nú get ég bakað þessar fullkomnu pönnukökur þrátt fyrir að vera alger eldhúsauli! Ég prufukeyrði hana áðan og þær voru bara góðar!
Annars er svosem ekki margt að frétta héðan, annað en það að hún Hafdís vinkona mín á 24 ára afmæli í dag (við erum sko jafn gamlar!) og í tilefni af því bauð ég henni upp á kaffi í skólanum ;) Seinna ætla ég að bjóða henni í lifrarpylsu...sem hún fær að vísu að elda sjálf, en hún á bæði fleiri diska en ég og auk þess uppþvottavél! Ég á enþá bara 4 diska og býð bara Valeyju í mat LOL
Jæja best að hætta þessu röfli og elda grjónagraut.
Nú er kominn febrúar...þá get ég hætt að bíða eftir því að hann birtist! Ég er byrjuð í skólanu...get líka hætt að bíða eftir því!! LOL og Gunni er kominn og farinn aftur...þarf bara að bíða eftir því að hann komi aftur í lok mánaðarins ;)
Sem sagt allt í góðum gír hér á bæ. Ég er sem sagt byrjuð í skólanum og mér líst mjög vel á hann. Ég er einmitt að fara að mana mig upp í að gera fyrsta verkefnið, sem á að vera myndræn kynning á mér...má ekki nota nein orð en þarf að koma fram hver ég sé, hver mín áhugamál séu og svoleiðis...ég ætla auðvitað að skrappa þetta, en framsetning er algerlega frjáls.
Ég hef ekki fundið fleiri kakkalakka í bili, reyndi að ná í meyndýraeyði en það var búið að loka á skrifstofunni hjá SAB þegar ég hringdi, reyni aftur á mánudaginn. Ég hef þó ekki stórar áhyggur á að þeir hafi náð að fjölga sér því ég er orðn sérfróð um fjölgun kakkalakka eftir að hafa legið yfir netinu í upplýsingaleit! Kvendýrin ganga nefnilega með eggin í 18 daga, eða þar til þau klekjast út við 30°C. Ef það er kaldara þá gengur hún með lengur...sem sagt frekar ólíklegt. En allur er varinn góður og ég ætla að tala við meyndýraeyði samt.
Hvernig er það annars, er einhver sem les þetta blogg? Hvernig væri að kvitta af og til? Þið þurfið ekkert að skrifa neina ritgerð, bara segja hæ...ég hef gaman að því að sjá hvort hér sé eitthvert líf ;)
bless í bili!
vitiði hvað það þýðir???? ha??? nei ekki það??? jú það þýðir að annað "gæludýr" fannst í kvöld!!!!!(ja tæknilega séð er sko nótt...)
Allavega þá ákvað ég að skella mér í sturtu svona fyrir svefninn, æ það er svo gott að sofna efir heita og slakandi sturtu......ummmmmmm........ég þarf að fjarlægja risastóran bala sem Anja notar, út úr sturtunni til að komast inn í hana, og í leiðinni mundi ég eftir því að þvottapokinn sem hékk á blöndunartækjunum var óhreinn svo ég ákvað að henda honum fram líka ásamt balanum...
Ég geri mér lítið fyrir, vippa balanum fram án þess að brjóta hurðina af sturtuklefanum, enda fræg fyrir fimi, konan...og tek þvottapokann með hinni hendinni...nema eitthvað dökkbrúnt skýst eldsnöggt úr pokanum og NIÐUR MIG!!!!! ómægod!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Ef ég hefði ekki þessa óútskýranlegu sjálfstjórn á hættustunum þá hefði ég gargað ekki bara lungun úr mér heldur lifrinni líka!!!! en það gerði ég ekki!! og þið sem hafið verið að fylgjast með þessu bloggi vitið að það fannst huges kakkalaki hér skömmu eftir Kanaríferðina......já hann var sko bara BEIBÍ!!! þessi er huges!!!! ekki það að stærðin skipti máli!!
Það varð mér til lífs, þarna þar sem ég stóð kviknakin uppi á klósettinu að Gunni minn var ekki farin að sofa svo ég kallaði í hann. Hann kom auðvitað að vörmu spori og eftir nokkrar vangaveltur og planleggingar......já því í hernaði þarf maður að plana árásina!! .... þá gómaði hann kvikindið!
Það er skemmst frá því að segja að ég mun hringja í meindýraeyði strax á mánudag!!! Helga ertu ekki enn með númerið hjá honum?
Já ætli það sé ekki best að blogga aðeins þar sem ég er vakandi...og get ekki sofið.
Það er búið að vera heldur rólegt hér á þessum bæ, ég fór að vísu í partý um helgina til Dísu og Snorra og það var alveg rosalega skemmtilegt og síðan komu Eva, Juha og dætur hingað og gistu um helgina sem var líka alveg rosalega skemmtilegt!
Annars er ég eiginlega bara að bíða......ég bíð eftir að Gunni og mamma komi í heimsókn, bíð eftir að skólinn byrji og bíð eftir því að janúar klárist...já og bíð pínulítið eftir vorinu!
Mér finnst alveg ótrúlega dimmt hér...það er svo mikill munur að hafa snjóinn, hann lýsir svo upp skammdegið.
Annars erum við á leið heim fljótlega. Hann Andri verður fermdur þann 16. mars á Akranesi og ætlum við að vera heima yfir páskana. Það verður gaman að hitta alla...mæli bara með að það verði haldið partý! Ha!!
Jæja, best að skreppa með nýja elskhugann upp í rúm og reyna að sofna smá...ekki misskilja! Ég keypti mér nýjan iPod og ómægod hvað ég er ástfangin af honum!!! Ég er núna að hlusta á svooo skemmtilega hljóðbók (já sem veldur pínu svefntruflun hún er svo góð) en það er nýja bókin eftir sama höfund og skrifaði Flugdrekahlauparann...man ekki alveg hvað hún heitir..
Já nú er þessi mánuður að verða hálfnaður! Ég þoli ekki janúarmánuð......finnst hann alltaf svooo langur!
Lífið hér hjá okkur gengur bara vel.......Ég fór með Önju til tannlæknis í dag...tilraun 3 til að gera við holu í henni...og þrátt fyrir smá framfarir í tannlæknastólnum og loforð um að vera rosalega dugleg þá grenjaði mín eins og stunginn grís þegar hún fékk glaðloft og þó hún hefði það í örugglega hálftíma virkaði það ekki nægilega vel á hana og við ákváðum að láta þetta gott heita enda daman óhuggandi með þvílíkann ekka að ég var lengi að róa hana, bæði inni á læknastofunni og fyrir utan... Hún var algerlega brjáluð út í blessanan tannlækninn! LOL Samt var ég búin að undirbúa þetta vel....ræða við hana um hvað yrði gert og hvers vegna, fara í tannlækna leik með henni og ég veit ekki hvað og hvað....Hún á að koma aftur eftir 2 mánuði þar sem læknirinn vill að hún verði líka búin að ná sér alveg af eyrnabólgunni - en hún heyrir enn ekkert með öðru eyranu og hrýtur eins og sjóari.
Andri er búin að vera gera tilraunir á gæludýrinu sínu...jamm....kakkalakkanum!!! Hann gaf honum gulrót í gær sem hann át af þvílíkri áfergju....greinilega eitthvað betra en þessi 3 reyksteiktu og viðbrenndu hrísgrjón sem hann gaf honum daginn áður. Ég er ekki alveg að sjá hvernig á að farga kvikindinu...ég er svo hrædd um að það sé ekki hægt að sturta honum niður í klósettið - þeir geta sko flogið...og ekki getum við kramið hann......ætli það endi ekki með því að það verði keypt búr handa honum og kanski einn eða 2 vinir!!!!!!!!! Það er allavega smá úrval af svoleiðis hér í gæludýrabúðinni minnir mig...
Ég get annars ekki beðið eftir því að skólinn byrji...en er þolinmæði ekki dyggð? eða dygð eins og þeir segja í Brekkó? Ég hlakka ekkert smá til að byrja, en fæ jafnframt tremma þegar ég heyri hvernig gengur í forrituninni hjá Nasistanum!!
Já það var heldur betur fjör hjá Andra áðan þegar hann dreif sig loksins í að tæma töskuna......það spratt fram feitur og pattarlegur kakkalakki! Já honum hafði langað til að breyta til og er nú ólöglegur innflytjandi hér í Danmörku! Ég á frekar von á því að hann verði tekinn af lífi án dóms og laga....kanski með þessari aðferð sem þeir nota í Íran.....kastað fyrir björg....en það gengur kannski ekki þar sem það eru engin björg hér...
Kvikindið var semsagt handsamað í dós og dúsir þar ásamt nokkrum hrísgrjónum sem Andri kastaði til hans...enda skepnan örugglega svöng eftir langa dvöl í töskunni! Hann var þó með nesti með sér....ja eða vin sinn......en hann át hann á leiðinni og af honum fannst ekkert annað en tóm skelin - er ekki annars búið að réttlæta át á sínum líkum við extreem aðstæður?
Andri ætlar svo með þetta í skólann á morgun...Ég tók nokkrar myndir, en það er frekar erfitt, og ekki ætla ég að fara að taka lokið af dósinni, svo mikið er víst!!!
Já ég nennti ekki að blogga á Kanarí! enda nettengingin ekki til að hrópa húrra yfir og ég rosalega upptekin við að verða brún!! LOL
Þetta jólafrí var semsagt bara æðislegt í alla staði! Veðrið var gott, stundum svolítið hvasst en ekkert sem maður þekkir ekki þegar maður hefur búið á Blöndósi!!
Við fórum mikið á ströndina eftir að Anja hresstist og það var bara geggjað að leika sér í briminu og öldunum! Anja lét sér nægja að byggja sandkastala og hoppa smá í flæðarmálinu, enda ekki mikið fyrir sjó daman!
Sundlaugargarðurinn var líka óspart nýttur, enda auðvelt að liggja þar eins og skata á grilli! Anja eignaðist leikfélaga, 4ra ára strák frá Englandi og það skipti engu þó þau gætu ekki talað við hvort annað með hefðbundnum hætti, þau skildu hvort annað samt!
Já þetta var æði! og ég mæli með þessu hóteli sem við vorum á, Corona Blanca, það er svo frábærlega vel staðsett! Stutt í allt!
Við átum nátturulega á okkur gat þarna......fórum út að borða nærri því öll kvöld og fundum líka bar sem seldi Mojito!!
Gunni varð 50 þann 3. jan og við hjónakornin fórum út að borða(hvað annað!) bara 2. Við fórum á stað sem ég var búin að langa til að prufa síðan við komum, svona Texmex steikhús sem virtist alltaf vera troðið út úr dyrum öll kvöld! Það var sko ekki skrýtið að það væri alltaf fullt þarna! Maturinn var algerlega geggjaður! Gunni fékk sér argentíska nautalund.......með bernessósu (auðvitað) og ég fékk mér fajitas sem var sko örugglega fyrir 3! Það var æðislega gott og Gunni hafði á orði að þetta væri nú besta bernessósan sem hann hefði smakkað.......við erum að tala um mann sem fær sér steik með bernes næstum því í hvert sinn sem hann fer út að borða!! Sem sagt, 5 stjörnu staður og hann heitir El Rancho ef þið eigið leið um og viljið prufa!
Ég er í þessum skrifuðu orðum að dæla inn myndum frá Kanarí.......tók að vísu ekkert rosalega mikið af þeim....var svo upptekin við þið vitið..að verða brún!!! og það er nú ekki sniðugt að vera með myndavélafar í andlitinu!!!
Gleðilegt ár annars!! og endilega kvittið nú fyrir komuna.......ef það er einhver sem nennir að lesa þetta blogg LOLOL